Concello de Verín

  • Decrease font size
  • Default font size
  • Increase font size
Home Cidade Novas Teatro da Gavela presenta en Verín “O Conde Alarcos”
Teatro da Gavela presenta en Verín “O Conde Alarcos” PDF Imprimir Correo-e
Luns, 18 Agosto 2008 08:48
Mañá, 19 de agosto, ás 22.30 horas, Teatro da Gavela escenificará na praza García Barbón de Verín a obra “O Conde Alarcos”. A actuación enmárcase nunha xira pola Vía da Prata desta compañía, que patrocina a S.A. de Xestión do Xacobeo e que conta coa colaboración do Concello de Verín.
Sete personaxes -6 actores e 1 músico- protagonizan “O Conde Alarcos”, unha obra de autor anónimo dirixida e adaptada por Teatro da Gavela a partir das distintas versións peninsulares do Romance do Conde Alarcos e das pezas teatrais que se crearon baseadas nese texto, en especial o Entremés do Conde Alarcos.
Tendo como referencia aos “cómicos da légoa”, que percorrían os camiños de xeito ambulante para presentar os seus espectáculos en vilas e aldeas, a compañía fai unha viaxe cara ao século XVII para amosarnos cales foron as primeiras formas de representación, das que posibelmente nace todo o teatro actual.

Teatro da Gavela é unha compañía formada en Lalín o ano 2006, que agrupa actores das compañías Viravolta e Seisdedos de Lalín e actores de compañías da comarca de Ferrol.


   
 

Centro de Dia




Guía da Comarca de Verín


Solicitude de Participación









Buzón do Cidadán

IOP

PEID 2019

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac