Concello de Verín

  • Decrease font size
  • Default font size
  • Increase font size
Home Ofic. Virtual Urbanismo Oficina do Casco Vello




Oficina do Casco Vello:

  • Praza Maior,8 (Antiga Praza de Abastos)
  • Tlno. 988.41.05.97
  • Correo Electrónico: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
 
A Oficina de Rehabilitación configúrase como un organismo onde se centrarán as actuacións municipais en materia de conservación e rehabilitación
A revitalización e conservación dos centros históricos vai ligada a medidas de rehabilitación en edificios e vivendas e a mellora dos espazos e sevizos públicos. Hai que manter o tecido residencial  mellorando as condicións para habilitar e fixar a poboación residente nas vivendas.
A diferenza de outras vilas, Verín ten un centro histórico vivo e habitado onde suceden as mesmas cousas que no resto da pequena cidade e isto dálle unha dimensión  urbana máis alá da súa condición cultural, por iso e tan importante neste proceso de rehabilitación que os propietarios se sintan partícipes da súa recuperación e conservación para que coa axuda da oficina podamos dar un paso máis na vida do casco histórico.
 
Atención ó público
Cargo Horario de atención
Arquitecto Luns e Venres das 9:00 ás 14:00 horas.
Arquitecta técnica

Administrativa


A Oficina de Rehabilitación do casco histórico e barrio de San Lázaro é un dispositivo creado para 
 informar, asesorar técnicamente, coordinar, tramitar e facer un seguimento da documentación necesaria para a obtención da Cédula de Rehabilitación e Calidade e para as seguintes subvencións:

  • Subvencións para a rehabilitación e renovación de calidade de vivendas no medio rural e conxuntos históricos de Galicia.
  • Subvencións para remate exterior de vivendas unifamiliares rurais de nova construción.
  • Axudas para a compra dunha vivenda de protección autonómica (VPA) de prezo xeral.
  • Axudas para a compra dunha vivenda de protección autonómica (VPA) de réxime especial.
  • Axudas para a compra dunha vivenda de protección autonómica (VPA) de prezo concertado.
  • Axudas para a compra de vivenda usada.
  • Subvencións rehabilitación illada edificios de vivendas.
  • Subvencións rehabilitación illada dunha vivenda.
  • Subvencións aos inquilinos ao abeiro do Programa de Vivenda en Aluguer.
  • Renda básica de emancipación.


Accións e funcionamento
A Oficina de Rehabilitación funciona principalmente como órgano de información , asesoramento técnico e de xestión de axudas, en materia de actuación na Área de Rehabilitación.
Esta Oficina realiza as seguintes funcións:

  • Información urbanística das subvencións e dos convenios. Ademais, presta o asesoramento necesario para a tramitación preceptiva de licenza municipal dentro do ámbito do P.E.P.R.I.
  • Asesoramento técnico para calquera obra que se execute dentro da Área de Rehabilitación do Centro Histórico.
  • Xestión técnica de obras: inclúe tanto a recollida, preparación e redacción de documentación; así como a supervisión das obras que non supoñan variacións no sistema estructural do edificio.
  • Redacción de proxectos de urbanización e reurbanización dentro do conxunto histórico.
  • Con carácter complementario, a Oficina presta a información dispoñible e o asesoramento necesario para a obtención das axudas públicas en materia de rehabilitación de vivendas no medio rural. Poderanse apuntar nunha lista provisional de vivendas do casco histórico que xestiona  a Consellería de Vivenda e Solo coa intención de adquirir algunhas co fin de rehabilitalas  e adxudicalas a mozos menores de 35 anos en réxime de aluguer.

Tras a solicitude da subvención realizarase unha visita técnica, con recollida de datos para elaborar un informe técnico previo. A Oficina de Rehabilitación en función da complexidade da obra poderá ofrecer a asistencia técnica necesaria para definir a obra a realizar.