Concello de Verín

  • Decrease font size
  • Default font size
  • Increase font size
Home Cidade Novas O Entroido de Verín, Festa de Interese Turístico Nacional
O Entroido de Verín, Festa de Interese Turístico Nacional PDF Imprimir Correo-e
Martes, 07 Abril 2009 10:11
A Secretaría de Estado de Turismo, tras estudar a documentación presentada polo Concello de Verín, concedeu ao Entroido do municipio o título de Festa de Interese Turístico Nacional.

No pasado ano 2008, o grupo de goberno do Concello de Verín comezou a preparar o proceso de solicitude deste título de carácter honorífico, para o que se esixía posuír o certificado de interese turístico rexional cunha anterioridade non inferior de cinco anos, e que o Entroido de Verín xa posuía desde o ano 2000 -polo tanto, o noso Entroido era elixible para solicitar esta segunda marca dende o ano 2005-.

Para a consecución do título de Festa de Interese Turístico Nacional, solicitábase non só que fose un acontecemento con valores culturais e tradición popular, antigüidade na súa celebración, continuidade no tempo ou arraigamento na localidade; senón tamén aspectos como: un acordo plenario e informe da comunidade autónoma correspondente que ratificase devandita petición, estatutos de entidades que avalasen a participación cidadá e a promoción turística, e certificados que acreditasen o respecto polo contorno urbano, paisaxístico e monumental, e os non malos tratos aos animais. E, o máis difícil no noso caso, xustificativos e probas de ter realizadas accións promocionais desde o ente municipal nos últimos cinco anos, en prol do Entroido e fóra da Comunidade Autónoma, recollidas en medios de comunicación nacional e internacional. Un requisito, este último, que esixía a consecución dun total de vinte actuacións, e que debido ao baleiro promocional dos últimos anos, exceptuando os labores efectuados polo Inorde e a Asociación ‘O Cigarrón’, retardou devandito procedemento de solicitude, xa que só foi posible conseguir certificados de emisión e orixinais en prensa dos dous últimos anos. Por iso, e só coas accións levadas a cabo no último ano e medio, se conseguiu chegar a este número; xa que sen ir máis lonxe, este mesmo ano, os cigarróns estiveron en Bilbao, Madrid e Navarra.

Sinalar a importancia de esta declaración para a promoción fora de Galicia no futuro; a razón pola que desde o Concello se apostou insistentemente, a pesar da falta de probas promocionais suficientes inicialmente, é porque aínda que se trata  de unha declaración, aparentemente honorífica, non deixa de ser un sinal de marketing institucional cando se presenta ou divulga a festa fóra do ámbito rexional. Non debemos esquecer que pola nosa localización xeográfica, e nun radio de 400 quilómetros, temos visitantes potenciais nacionais e portugueses para os que a declaración de interese turístico nacional aumentará sen dúbida o atractivo do evento, como xa aconteceu coa Festa da Istoria de Ribadavia e a Semana Santa de Salamanca.

A intención do Concello, despois do prazo obrigatorio de vixencia da declaración de interese turístico nacional, é iniciar de novo trámites para a declaración da festa como de interese turístico internacional.
 

Centro de Dia




Guía da Comarca de Verín


Solicitude de Participación









Buzón do Cidadán

IOP

PEID 2019

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac