Concello de Verín

  • Decrease font size
  • Default font size
  • Increase font size
Home Cidade Novas Máis dun centenar de nenos participaron na festa de fin de curso dos programas “Kero-Kolo” e “Kero-Kedar”
Máis dun centenar de nenos participaron na festa de fin de curso dos programas “Kero-Kolo” e “Kero-Kedar” PDF Imprimir Correo-e
Mércores, 14 Xuño 2017 18:38

Cento trinta nenos e nenas participaron  onte, xunto cos seus proxenitores, na festa de fin de curso dos programas 'Kero-Kolo' e 'Kero-Kedar', con actividades lúdicas e deportivas.

Esta iniciativa tivo lugar no polideportivo do complexo deportivo de a Granxa, e na mesma participaron os/as menores, pais e nais integrantes nos dous programas. Entre as actividades programadas estiveron obradoiros de paracaídas, pintura de cara e mans, diana, traballos de horta, circuíto de psicomotricidade , pesca, tragabolas, e unha merenda infantil. En termos de seguridade, a xornada contou coa presenza de efectivos do Consorcio Contra Incendios e Salvamento da Comarca de Verín, Garda Civil de Tráfico, Protección Civil e Cruz Vermella.

Por outra banda, xa se abriu o prazo de inscricións para a vindeira edición dos programas 'Kero-Kolo' e 'Kero-Kedar', para o ano 2017-2018, que debe realizarse no departamento de Educación Familiar do Concello de Verín (Avda. de Portugal, 11 bis), no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou no teléfono 988-414776; tamén no no edificio municipal do Lavadoiro (situado na esquina das rúas Rosalía de Castro e Lavadoiro) ou no teléfono 988-411468.

O programa 'Kero-Kolo' é un espazo de encontro entre pais/nais e nenos/as, de dous a tres anos de idade, onde conxuntamente coa familia e a persoa directora das sesións aprenden a relacionarse entre eles. O mesmo busca crear unha serie de actividades de interacción e participación entre os/as menores e as familias nas que se desenvolven iniciativas de educación infantil conxuntas e propostas por todos/as os/as participantes, é dicir, unha aula de convivencia que será unha antesala de entrada ao centro educativo e a compartir experiencias cotiás. Mentres que o 'Kero-Kedar', destinado a nenos/as de idades comprendidas entre 3 e 4 anos, trátase dun espazo de xogo e aprendizaxe entre iguais que serve de conciliación para as familias. Os programas 'Kero-Kolo' e 'Kero-Kedar' atópanse enmarcados dentro da iniciativa Escola de Familia Municipal, posta en funcionamento polo departamento de Servizos Sociais do Concello de Verín.

GALERÍA DE IMAXES  

 

 




Guía da Comarca de Verín