Concello de Verín

  • Decrease font size
  • Default font size
  • Increase font size
Home Cidade Novas O Museo Claustro Mercedario acolle unha nova instalación sobre a vertebración territorial de Ourense e a orixe da verba “Támega”.
O Museo Claustro Mercedario acolle unha nova instalación sobre a vertebración territorial de Ourense e a orixe da verba “Támega”. PDF Imprimir Correo-e
Xoves, 09 Agosto 2018 13:04

O alcalde de Verín, Gerardo Seoane, e o profesor e arqueólogo Antonio Rodríguez Colmenero, inauguraron hoxe unha nova peza do Museo Claustro Mercedario, adicada á explicación da verba “Támega”, da súa orixe e do nacemento da actual comarca. Ante os alumnos da Ludoteca de Verín, Colmenero departiu unha pequena “clase maxistral” sobre o intenso proceso urbanístico desenvolto, no século I da nosa era no interior da actual provincia de Ourense.

A peza interpretativa do Padrón dos Pobos está aloxada e aberta ó público dende hoxe na sala de entrada do Museo Claustro Mercedario, recibindo alí ós visitantes. Durante a súa inauguración, o alcalde destacou a importancia da palabra “Támega” e “tamagani” para a identidade da nosa comarca, e como o Padrón dos Pobos era o “documento administrativo” que a inclúe por primeira vez.

A instalación, que foi explicada polo profesor Colmenero, inclúe a réplica do Padrón dos Pobos -cuyo orixinal custodia o Museo Arqueolóxico de Chaves- e se centra en divulgar o papel que a Lexión VII de Roma tivo no proceso urbanizador que impulsou Vespasiano no século I da nosa era, e de resultas do cal os lexionarios romanos construiron as vías ó pe das que naceron as vilas da provincia, coma Verín, Xinzo de Limia e mesmo Ourense.

 

Muro de Adriano

O papel da Lexión VII foi tan crucial no desenvolvemento económico da futura comarca de Monterrei, que os propios tamaganos do cambio de era lle adicaron o seu recoñecemento no Padrón do Pobos, xunto cos outros nove espazos comarcais da provincia da Gallaecia bracarense. Posteriormente, a Lexio VII foi destinada a Britania, para constuir o muro de Adriano.

Asimesmo, a instalación divulgativa inaugurada onte contén a explicación do misterio que envolve ó Padrón dos Pobos, xa que existen varias versións  -como descubriu un estudio do propio Colmenero- e non se sabe a ciencia certa cal puido ser o primeiro. Todo apunta a que o orixinal se trata do instalado no ano 79 d.C. -o ano da erupción do Vesubio- nas proximidades da vía do Támega, en Chaves, que enlazaría esta zona comercial con Verín, ata Ourense e Lugo, vertebrando todo o futuro territorio ourensán.  Este foi atopado no leito do río no ano 1980.


 




Guía da Comarca de Verín


Solicitude de Participación










Plan Xeral de Ordenación Urbana

Sede electrónica
Buzón do Cidadán


A un click


Biblioteca Municipal








Visor Sixpac