Concello de Verín

  • Decrease font size
  • Default font size
  • Increase font size
Home Cidade Novas O sector das telecomunicacións volve a liderar as reclamacións e consultas na Oficina Municipal de Consumo do Concello de Verín
O sector das telecomunicacións volve a liderar as reclamacións e consultas na Oficina Municipal de Consumo do Concello de Verín PDF Imprimir Correo-e
Mércores, 06 Febreiro 2019 13:41

Ao longo do ano 2018, a Oficina Municipal de Información ao Consumidor de Verín pecha o ano 2018 cun total de 707 atencións (consultas, mediacións e reclamacións) realizadas. Ao igual co ano pasado, o sector con máis demandas segue sendo o das telecomunicacións (telefonía e internet) con 172 reclamacións, 45 mediacións (solucionadas vía teléfono) e 61 consultas.

Os motivos das reclamacións no sector das telecomunicacións son moi variados: problemática coa contratación de liñas fixas e móbiles, contratos combinados de telefonía con ADSL e televisión, desacordos coa facturación, incumprimento de ofertas, altas e baixas fraudulentas, impugnación de chamadas non realizadas, problemas de conexión a Internet ou cobro de penalizacións e falta de cobertura.

Ocupan un segundo lugar as reclamacións dirixidas ao sector comercio, grandes superficies e compras por internet. En total, foron atendidas un total de 52 reclamacións, 30 consultas e 27 mediacións relacionadas coas garantías de produtos, cambios e devolucións e compras en portais web pouco seguros. E necesario destacar que o comercio de Verín amosa unha plena colaboración no que se refire as diversas controversias que xorden cos clientes descontentos. “Se despois da mediación non se consigue chegar a un acordo entre cliente e empresa, realízase a demanda, con traslado ao organismo encargado de ditar unha resolución, que varía dependendo do sector ao que se refire a reclamación.”, puntualizou Blanca Mascareñas, técnico responsable da oficina.

En terceiro lugar encóntrase o sector eléctrico, con 43 reclamacións, 21 mediacións e 15 consultas. Os asuntos máis usuais que ocasionan a reclamación son cortes de luz, danos por incidentes eléctricos, Bono Social (multitude de desacordos cos porcentaxes aplicados e desconformidades con moitas denegacións a ser perceptor do mesmo).  Pese que a nivel xeral este ano se reduciron as reclamacións neste sector cabe salientar un significativo aumento nas  reclamacións por avarías de caldeiras provocado polo cambio de gas propano a gas natural, que se estivo realizando nos últimos meses na vila.

Neste ranking de demandas atendidas, seguen as relacionadas con seguros e bancos. Aínda que Consumo non ten competencia neste tema, os usuarios achéganse a oficina para buscar asesoramento (coberturas, solicitudes de baixa fóra de prazo, subidas de primas). “Dende a oficina de consumo”, explicou Mascareñas “envíamos escrito reclamación ao Servizo de Atención ao Cliente e no caso de que a reclamación non sexa satisfactoria para o usuario, enviamos ao Banco de España ou o Comisionado do Asegurado, segundo trate a reclamación.” Foron recibidas un total de 38 reclamacións e 19 consultas.

Tamén se xestionaron tres reclamacións de establecementos hostaleiros, que foron enviadas a Área de Turismo Así coma un amplo abano de reclamacións, consultas e mediacións de transporte terrestre, aéreo e urxente, correos, carpinterías de aluminios, tinturerías, axencias de viaxes, inmobiliarios, alarmas, alimentación, clínicas dentais, compra de ordenadores, ITV.

 

Cabe destacar que os usuarios de avanzada idade son os que máis aceptan contratacións irregulares realizadas telefonicamente e a domicilio xa que normalmente están solos no domicilio, non teñen asesoramento doutras persoas e tampouco lles informan sobre o dereito de desestimento.

 

Como todos os anos, na Oficina Municipal de Información ao Consumidor sempre se encontran con reclamacións e casos curiosos. “Este ano pechamos o ano cunha reclamación pola compra de varios cartóns de leite en moi mal estado (con cor amarillento) e comezamos o ano con outra reclamación sobre leite, doutra marca diferente, tamén en moi mal estado”.

 

En canto as as vías polas que as consultas foron atendidas, a maioría tiveron un carácter presencial, sendo as dependencias da OMIC a vía preferida polos consumidores e usuarios. A vía telefónica foi usada principalmente para resolver consultas e para as mediacións. O correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , continúa afianzándose ano tras ano como vía de presentación de reclamacións e de consultas, utilizada maiormente por traballadores en activo e mocidade.

 

 

Centro de Dia




Guía da Comarca de Verín


Solicitude de Participación









Buzón do Cidadán

IOP

PEID 2019

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac