Concello de Verín

  • Decrease font size
  • Default font size
  • Increase font size
Home Cidade Novas O alcalde de Verín nega as "falsedades radicais" do voceiro do PP sobre o gasto municipal
O alcalde de Verín nega as "falsedades radicais" do voceiro do PP sobre o gasto municipal PDF Imprimir Correo-e
Mércores, 08 Maio 2019 19:02

O alcalde de Verín denuncia unha campaña de "mentiras sistemáticas" do líder do PP baseada nunha  "radicalización das mentiras" sobre a situación económica do Concello, comezando pola nota de prensa difundida hoxe sobre a operación de tesourería habitual todos os anos. Seoane engade que son falsas todas as afirmacións de Jiménez, que o Concello de Verín ten unha liquidez cercana ós catro millóns de euros, e denuncia ameazas a funcionarios para que obstrúan os pagos.



Gerardo Seoane:

- "A operación de tesourería se pide todos os anos, tamén estando Jiménez, e se devolve cando se obra o IBI, para axudar ás labores de financiamento do Concello. Estamos totalmente dentro da normalidade".

- "É falso que o Concello deba tres millóns a provedores. Do exercicio de 2018 hai un remanente de crédito de 2,4 millóns de euros, cifra que  está pendente de pago a cargo de eses recursos, debido ó cambio de criterio do interventor á hora de contabilizar ás facturas é a falta de persoal.

- "De anos anteriores hai que facer un recoñecemento extraxudicial de débeda dende o ano 2013, 2014  e 2015 ó obxecto de regularizar contas nunha cantidade moi pequena totalmente asumible".

- "Nestes momentos o Concello de Verín ten unha liquidez, cercana ós catro millóns de euros, procedente de: o diñeiro que ten habitualmente nas contas, dun millón e medio de euros, ó que hai que sumarlle a operación de tesourería de un millón catrocentos que se ven de adxudicar ó Banco Sabadell, absolutamente rutinaria, e o ingreso do imposto de circulación, cercano ós 600.000 euros, e máis o ingreso do fondo nacional e da Xunta que son 250.000 mensuais, e outros."

- "O goberno está en condicións de solventar os problemas burocráticos derivados da ausencia de tesoureiro e falta de persoal no departamento de intervención, e xa empezou a pagar estes días a todos os provedores".

- “É importante lembrar que a débeda a longo prazo reduciuse na lexislatura á metade, pasando dos catro aos dous millóns de euros”.

-" Cónstame ameazas do sr. Jiménez a determinados funcionarios, para que non fagan o seu traballo, así como denunciar continuas coaccións ó labor dos funcionarios que teñen que facer os pagos".

 

 

 

 

 

 

 

 

 




Guía da Comarca de Verín


Solicitude de Participación










Plan Xeral de Ordenación Urbana

PEID 2019

Sede electrónica
Buzón do Cidadán


A un click


Biblioteca Municipal








Visor Sixpac