Concello de Verín

  • Decrease font size
  • Default font size
  • Increase font size
Home Cidade Novas Pleno de constitución da nova corporación e elección do alcalde.
Pleno de constitución da nova corporación e elección do alcalde. PDF Imprimir Correo-e
Sábado, 15 Xuño 2019 17:08

Esta  mañá tivo lugar na casa do Concello de Verín o pleno de constitución da nova corporación. A mesa do pleno de investidura foi presidida por Cándida Couñago, a concelleira de maior idade, quen fixo o chamamento para a toma de posesión e xuramento dos 17 concelleiros electos que conforman a nova Corporación Municipal:


PSdG-PSOE: Gerardo Seoane Fidalgo, Rosario Rodríguez Delgado, José Luís Martín Domínguez, Julio Viéitez Pardelas, Cándida Couñago Lara, Manuel Lorenzo Feijoó, Vicente González Pérez e María Isabel González Fernández.

BNG: Diego Lourenzo Moura, Emilia Somoza Basalo, Eugenio Quintas Albores, Purificación Caldelas Rodríguez e Abelardo Meiriño Vieites.

PP: Juan Manuel Jiménez Morán, Luisa Valladares, Víctor Baladrón Lamas  e Beatriz Blanco Adegas.

Finalmente, o candidato socialista, Gerardo Seoane Fidalgo, foi investido alcalde tras recibir a maioría absoluta de votos da Corporación, 13 por parte dos concelleiros e concelleiras dos grupos políticos do Partido Socialista e do Bloque Nacionalista Galego.

Empezamos esta nova lexislatura coa firme vontade de enfrontar os nosos problemas máis profundos, como son o envellecemento poboacional, a falta de oportunidades e precariedade laboral, e a falta de formación adecuada ao século  XXI” destacou Seoane. Para loitar contra estes problemas o alcalde de Verín adiantou que “se implementarán uns corenta proxectos,  en colaboración con empresarios locais, de rexeneración urbana e novas industrias orientadas á primeira transformación dos nosos produtos principalmente agropecuarios, así como un centro de formación en novas  tecnoloxías enfocado ao aproveitamento dos nosos recursos”.


 

Centro de Dia




Guía da Comarca de Verín


Solicitude de Participación









Buzón do Cidadán

IOP

PEID 2019

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac