Concello de Verín

  • Decrease font size
  • Default font size
  • Increase font size
Home Cidade Novas Verín estrea un roteiro patrimonial e medioambiental con 15 alternativas de ocio para veciños e visitantes.
Verín estrea un roteiro patrimonial e medioambiental con 15 alternativas de ocio para veciños e visitantes. PDF Imprimir Correo-e
Mércores, 07 Agosto 2019 13:10

Quince novas rutas con contido patrimonial e medioambiental están a disposición dende hoxe para todos os visitantes da praza García Barbón de Verín mediante un mural xigante instalado nun lateral deste espazo. Nelas se pode acceder, mediante a lectura en código QR, ás direccións web onde están aloxados os roteiros con trazado GPS e cunha pormenorizada descrición.

Os paseos, deseñados todos cun carácter familiar e formativo para que poidan ser abordados por nenos e maiores, cobren boa parte da oferta patrimonial e cultural do Val de Monterrei, comezando polo percorrido máis próximos, o paseo da Pousa, pero chegando tamén a outros puntos de interese como as xoias arquitectónicas de Mixós ou entornos naturais privilexiados coma o Pozo do Demo.

Do mesmo xeito, o mural - que representa a presa de Peláez ou de Miñambres, no decurso do Támega - contén toda a información necesaria para chegar vía GPS ata o punto de inicio e para seguir a ruta, así como a descrición e guía detalladas de cada visita, para realizar en grupos ou individualmente mediante os trazados dispoñibles no smartphone.

Os roteiros están pensados para o coñecemento exhaustivo da comarca de Monterrei, cun grao de dificultade accesible a todos os públicos, sendo a maioría deles circulares. O roteiro da Pousa contén tamén sinalizados os antigos pozos de baño do Támega en Verín, hidrónimos tradicionais que é necesario conservar mediante as novas tecnoloxías.

Os contidos son :

-          Un paseo pola Pousa

-          Tamagos, o castro dos tamagani

-          Curral de Castrelo do Val e o castro da Cabanca

-          Románico de Infesta e a aldea deserta de Paradiña

-          A ermida románica de Santo Antón e Ábedes

-          Vilamaior do Val e a ermida de Os Remedios

-          Ruta do gourmet da auga

-          Entre o balneario e a aldea de Cabreiroá

-          Ruta do bufo do Pozo do Demo

-          A Vía XIV entre a Pousa, Mixós e o Támega

-          Oimbra, a vila dos tres pazos e tres capelas

-          Pazos, un labirinto medieval entre viñas

-          Vilaza, de castrexos, romanos e templarios

-          Monterrei polos camiños reais

-          Verín e San Lázaro, un paseo por pedras centenarias

 

Centro de Dia




Guía da Comarca de Verín


Solicitude de Participación









Buzón do Cidadán

IOP

PEID 2019

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac