Concello de Verín

Os Centros de Información ás Mulleres de Arteixo, Padrón, Vilalba, Carballiño, Lalín, Ribeira, Monforte, Vilagarcía, Ponteareas e Verín forman parte do programa ‘Cruzandolibros’, posto en funcionamento pola Consellería de Cultura e Turismo e a Secretaría Xeral da Igualdade.

A área de Benestar Social e o departamento de Educación Familiar do Concello de Verín organizan durante este fin de semana a actividade ‘Patexando polo monte’, destinada a familias seleccionadas desde o propio departamento e pertencentes ao centro de día da Cruz Vermella.

Desde o Centro de Información ás Mulleres do Concello de Verín infórmase da existencia de cursos de formación on line en materia de igualdade de oportunidades entre homes e mulleres, organizados polo Instituto da Muller.

O salón de plenos do  Concello de Verín acolleu unha nova reunión da Comisión da Xunta Local de Seguridade para a mellora da atención ás vítimas da violencia de xénero, presidida pola concelleira de Igualdade, María Corona Meixeira Romasanta, a representante da Subdelegación do Goberno de Ourense, Purificación Álvarez Villamaría, e a responsable do Centro de Información ás Mulleres, Carmen Serrano Fernández; e na que participaron traballadores/as sociais da Mancomunidade de Municipios da Comarca de Verín -repesentando aos concellos da comarca-, membros do Hospital Comarcal, Centro de Saúde, dos Corpos e Forzas de Seguridade do Estado, Educación e Xustiza.

Desde o Centro de Información ás Mulleres do Concello de Verín infórmase da publicación da convocatoria de Axudas á conciliación da vida familiar e laboral, como medida de fomento da corresponsabilidade para os traballadores que se acollan á reducción da súa xornada de traballo.