Inaugurada a mostra “Arte Infantil” na Sala de Exposicións de Verín Imprimir
Mércores, 19 Xuño 2019 19:33

Até o día 5 de xullo, a Sala de Exposicións de Verín acolleu a mostra Arte Infantil que foi inaugurada o martes 18 de xuño, ás 19:00 horas, pola concelleira de Cultura, Emilia Somoza.

“Arte infantil” é unha mostra de arte realizada por nenos e nenas, que nos presenta unha selección de obras, elaboradas durante o curso escolar 2018-2019 e seleccionadas polos alumnos e alumnas que as realizaron nas Aulas de Iniciación ás Artes Plásticas da Escola de Artes e Oficios de #Verín, centro de formación non regrada que depende do Concello de Verín.

Para o curso 2019-2020, que comezará a mediados do próximo mes de setembro, está aberto o prazo para a reserva de postos escolares.

Sala de Exposicións de Verín. Horarios: luns a venres, 17:00 h a 20:00 horas.