Acción social destinada á poboación de Verín no marco do proxecto «Eurocidade Termal e da Auga»

Chaves-Verín, 17 de xullo de 2025

A próxima acción social no marco da programación “Descubre a Eurocidade Chaves-Verín – o outro lado que tamén é noso” terá lugar o día 31 de xullo, mércores, e está destinada á poboación de Verín. Esta edición coincide co primeiro día do Festival N2, no Xardín Público da cidade de Chaves; un festival de renome que reflicte o crecente interese pola Estrada Nacional 2, que conecta Chaves con Faro.

Esta programación, promovida pola Eurocidade Chaves-Verín, AECT, busca reconectar á poboación local co patrimonio termal e cos recursos culturais e turísticos compartidos entre ambas cidades, reforzando o sentimento de pertenza a un territorio común e fomentando a dimensión transfronteiriza da Eurocidade. A empresa organizadora será Ideias Essenciais Tours e Eventos.

Público destinatario: Xeral de Verín
Participación: Gratuíta (prazas limitadas)

O programa inclúe:

• Transporte
• Seguro
• Visitas guiadas con guías acreditados bilingües
• Xantar
• Actividades culturais e de benestar

As inscricións son obrigatorias e poden realizarse en liña a través da seguinte ligazón:
https://forms.gle/n2q27vT2rGDcBuRw6

Tamén poderán facerse presencialmente nos seguintes lugares:

• Sede da Eurocidade Chaves – Verín, AECT
• Ideias Essenciais Tours e Eventos (Hotel Premium Chaves)
• Oficina de Turismo de Verín

Todas as accións serán difundidas nas redes sociais da Eurocidade Chaves-Verín e Ideias Essenciais Tours e Eventos. Para máis información, pódese consultar a seguinte páxina web:
https://eurocidadechavesverin.eu/agenda/atividades-eurocidade/2025/poi/programas-sociais-para-todos-os-publicos-no-ambito-do-projeto-eurocidade-termal-e-da-agua

Esta actividade enmárcase no proxecto “Eurocidade Termal e da Auga”, cofinanciado pola Unión Europea a través do programa Interreg VI-A España-Portugal (POCTEP) 2021-2027.