
Circo no Camiño pecha a súa primeira parada en Verín cun cheo total e unha excelente acollida do público
16/11/2026
Verín reúne a canteira do sanda de España e Portugal nunha xornada de competición e deportividade
18/11/2026
- A cita terá lugar este sábado, 21 de novembro, ás 20:00 horas, coa participación do grupo vocal A Tapada, o Coro da Merced e a formación anfitrioa.
Verín, 18 de novembro de 2026. A Coral de Verín conmemorará este sábado, 21 de novembro, os seus 35 anos de traxectoria co concerto «Vodas de Coral», que se celebrará ás 20:00 horas na igrexa da Mercé. O encontro terá lugar na véspera de Santa Cecilia, patroa da música, e reunirá tres formacións para compartir coa veciñanza esta celebración.
A Asociación Verinense Amigos da Música, entidade que desenvolve a súa actividade a través da Coral de Verín, organiza o concerto coa colaboración do Concello de Verín, os Padres Mercedarios e a Federación Coral Galega (FECOGA). No programa participarán o grupo vocal A Tapada, o Coro da Merced e a propia Coral de Verín.
A agrupación iniciou o seu percorrido na primavera de 1991 e, a día de hoxe, acumula máis de 500 concertos. Ao longo destas tres décadas e media, mantivo unha estreita vinculación coa vida cultural da vila, achegando a música coral ao público e creando un espazo de encontro arredor do canto.
As «Vodas de Coral» serán unha ocasión para recoñecer o compromiso das persoas que formaron parte da agrupación ao longo da súa historia e o apoio de quen acompañou a súa actividade. A celebración pon en valor o traballo colectivo que permite manter vivo un proxecto musical durante 35 anos.
Desde a organización convidan a veciñanza a asistir ao concerto e compartir unha conmemoración que ten na música e no encontro co público a súa razón de ser.
A Coral de Verín, en cifras
- Traxectoria 35 anos
- Desde Primavera de 1991
- Concertos Máis de 500
Participan
Tres formacións comparten o programa do concerto.
- Grupo vocal A Tapada
- Coro da Merced
- Coral de Verín


