21 e 22 de marzo de 2026
Un evento con máis de 20 anos de historia na vila de Verín.

A Feira do Lázaro é un escaparate de produtos durante toda a fin de semana de celebración, con actividades para nenos, degustacións gastronómicas, un Túnel do Viño de Monterrei e moita música.

A Feira do Lázaro celébrase en diferentes lugares de Verín; o recinto feiral situado no pavillón deportivo municipal ofrece produtos alimentarios, artesanía e diversos obradoiros. A praza de García Barbón é onde se celebran os concertos;
a rúa Irmans Moreno é o lugar escollido para a exposición de vehículos.

A celebración relixiosa ten lugar na Capela de San Lázaro con misa e procesión.