Verín contará cunha nova gardería pública grazas a unha subvención de máis de 700.000 euros
19/11/2024
Verín prepárase para a Feira de Nadal 2024 con máis dunha trintena de expositores, actividades variadas e música para todos os públicos
22/11/2024
- O clown internacional visita Verín co espectáculo «Yo, Mussolini».
- O evento será o vindeiro 14 de decembro no Auditorio Municipal e as entradas xa están dispoñibles en Ataquilla.com.
A Asociación de Empresarios de Verín (AEVER) colabora xunto con KTORCE e o Concello de Verín cun sorteo de 5 entradas dobres para o monólogo «Yo, Mussolini» de Leo Bassi, que terá lugar o vindeiro 14 de decembro, ás 20:00 horas, no Auditorio Municipal de Verín.
Yo, Mussolini é unha obra de Leo Bassi que, fiel ao seu estilo irreverente, ofrece unha poderosa sátira sobre o rexurdimento do fascismo e o populismo na sociedade actual. Bassi encarna a figura do ditador italiano para expor, a través do humor, as sombras das ideoloxías autoritarias que volven xurdir con forza. A obra non só é unha crítica directa ao fascismo histórico, senón tamén unha advertencia contemporánea sobre os perigos da manipulación política e o fanatismo.
Os clientes que realicen unha compra en calquera dos establecementos asociados a Aever terán a oportunidade de participar no sorteo de entradas para este espectáculo. Para participar, no mesmo será necesario enviar unha foto do teu tícket ao correo aeverccu@gmail.com indicando nome e teléfono. O sorteo de 5 entradas dobres (10 entradas en total) farase o 3 de decembro a través das redes sociais de Aever.
Leo Bassi, cómico e bufón de renome internacional, é coñecido polas súas provocadoras actuacións que mesturan humor irreverente e crítica social. Cunha traxectoria marcada pola sátira política, este artista italiano, pertencente a unha histórica familia de artistas circenses, leva décadas desafiando o poder establecido e denunciando as inxustizas sociais. Ademais da súa traxectoria cirquense, Leo é coñecido por ser o fundador da Igrexa Patólica de Lavapiés e por participar en programas de televisión nacionais e internacionais como Crónicas Marcianas, El Hormiguero ou Late Motiv.
As entradas xa están dispoñibles en Ataquilla.com. A peza está programada polo colectivo Ktorce en colaboración co Concello de Verín e formará parte da programación de Nadal da vila.
