Gerardo Seoane recorrerá a sentencia sobre a actuación de Queirugás e mantén “unha confianza do 100%” en que o Supremo lle dará a razón

O alcalde de Verín, Gerardo Seoane, anunciou que recorrerá ante o Tribunal Supremo a legalidade da actuación na contorna na igrexa de Queirugás (consistente na pavimentación dun sector de rúa) e sostén que «teño unha confianza do 100% na miña absolución». Segundo o alcalde de Verín, «toda a xurisprudencia do propio Supremo recolle que nunca hai delito urbanístico nunha actuación que é legalizable», e engade, “como aconteceu neste caso, no que todas as obras foron legalizadas”.

«Celebro que o TSXG confirme a retirada do delito de prevaricación, que non tiña ningún sentido nun caso tendencioso e teledirixido, que bailou como un peón dun lado ao outro do espectro xurídico: primeiro arquivándose, logo reabríndose, logo caendo a prevaricación -que obviamente, nunca existiu- e que agora, na Casación, non que cabe dúbida que se virá abaixo de todo», afirmou o alcalde de Verín.

«Defendín en todo momento a seguridade e o ben públicos, e volveríao facer: é o que ten que facer un rexedor consciente, valente e que saiba facer o seu traballo». Segundo o alcalde, «introducir esa actuación no ámbito penal é un sinsentido, contribúe a colapsar a xustiza, e non ten nin pés nin cabeza». Ademais, “«houbo unha total indefensión porque nunca se me ordeou a paralización da obra»”.

Por iso, anuncio a interposición do recurso de Casación ante o Tribunal Supremo, que ademais deberá de debater se a posterior introdución pola Lei de Acompañamento da Xunta (en 2026) da competencia dos concellos na autorización de obras nas contornas de patrimonio xa o exoneraría de facto (tería que haberse dado el o permiso a si mesmo).

A verdade prevalecerá
O alcalde de Verín reitera a súa absoluta inocencia no caso do camiño de Queirugás, e anuncia que recorrerá nos tribunais «ata que prevaleza a verdade: as obras de emerxencia tiñan amparo legal». Lembra que o delito contra a Ordenación do Territorio que se atribúe a este alcalde tampouco existe, como demostraremos na próxima instancia: un delito contra a ordenación do territorio so se pode cometer por actuacións non legalizables, e no caso da contorna da rúa da Igrexa de Queirugás non só era legalizable, senón que conta ca autorización emitida por Patrimonio, donde se fai referencia a que se autorizan as actuacións na contorna da Igrexa Parroquial específicamente (ver anexo).

Seoane acata e manifesta o seu respecto pola Xustiza, pero reitera que «pelexará ata a última instancia» para que se recoñeza a legalidade absoluta da intervención de urxencia no talude norte da rúa da Igrexa de San Bartolomeu (Catalogada coa referencia A_198), como se demostra na resolución da Dirección Xeral de Patrimonio de data 27-11-2024, donde se autorizan as obras que a propia resolución enumera específicamente . «Non era só totalmente legal, era urxente e necesario, e estaba amparado por a lei». “Considérome absolutamente inocente, e confío plenamente na Xustiza, por iso continuaremos coas actuacións xurídicas necesarias, xa que en primeira instancia fomos absoltos, en nesta segunda ocasión só queda este punto por aclarar.

Neste sentido, lembra que a obra de emerxencia realizada para sanear un talude en ruína e a retirada dos escombros, así como repoñer o pavimento que se danou por a acción das máquinas eran totalmente legais e ademais necesarias e urxentes , para garantir a seguridade e a mobilidade dos veciños de Queirugás, nun entorno tan transitado como é a igrexa.

Así se pode ver no extracto da resolución da Dirección Xeral de Patrimonio que autoriza as obras (ver documento COMPLETO asinado dixitalmente no anexo, no que se indica expresamente que afecta á contorna da Igrexa de San Bartolomeu):

«Autorizar as actuacións solicitadas condicionado á remisión do proxecto refundido e corrixido coas seguintes indicacións: o pavimento de pedra deberá ser executado mediante granito moreno propio da zona».-

Indefensión
Gerardo Seoane manifesta que estos factores producen unha «absoluta indefensión do alcalde», no sentido de que calqueira actuación desde tipo ten que basearse nun expediente administrativo formal, que tiña que abrir a Consellería, e dentro ese expediente ver se procedía a reposición da legalidade e o expediente sancionador correspondente. Unha vez abertos estes dos (que nin siquera se iniciaron) entraríamos na discusión de si as obras son legalizables ou non.

Lembra tamén que un entorno dun ben patrimonial non é en sí un ben protexido, según a Lei de Patrimonio, e que a adecuación da contorna da igrexa de Queirugás realizouse dun xeito totalmente axustado a dereito, conforme a toda a normativa esixible e respondendo ao interese veciñal e de protección do inmoble.

«A urxencia da obra veu determiñada por un inverno moi duro no que unas intensas choivas degradaron o talude e puxeron en risco a seguridade dos viandantes, o que determinou a realización o 19 de fereiro, destas obras», afirma o alcalde, que tamén sinala que «as actuacións de mellora da contorna da Igrexa de Queirugás non alteraron en ningún modo ningún elemento patrimonial do ben protexido, e en todo momento estiveron reflexadas nun proxecto de recuperación do núcleo coa finalidade única de preservar os accesos e a contorna da igrexa, moi deteriorados polo paso do tempo, e que mesmo supuñan un perigo -muros do camiño derrubados- para o tránsito veciñal.»

Finalmente, Gerardo Seoane afirma que «o núcleo de Queirugás, coma noutros do Concello de Verín, cunha poboación envellecida e moitas casas en ruínas, é unha realidade que temos que xestionar integralmente para a mellora no seu conxunto, en canto a servizos e dotacións, cousa que estamos a facer en prácticamente todos, na medida das nosas posiblidades e sempre persando no benestar das nosas veciñas e veciños».

Ante todo o anterior, asegura, «reitero a convicción e confianza plena que este alcalde ten na Xustiza, anuncio que defenderei estes argumentos en interese do beneficio público e da verdade».