O Concello de Verín aproba un plan de pago co que saneará a totalidade das obrigas cos seus provedores

• A operación, por un total de 3,7 millóns de euros, está avalada polo Ministerio de Economía, que adxudicou directamente os mecanismos orzamentarios pertinentes.
• Trátase dun trámite destinado a axilizar os pagos, ao que se acollen tamén concellos coma o de Santiago de Compostela (7 millóns de euros) ou Badalona (26 millóns de euros).

O Ministerio de Economía conta cun mecanismo de respaldo para axilizar a tramitación dos esforzos inversores das entidades locales, denominado procedemento de plan de pago a provedores. O Concello de Verín, xunto con outras importantes entidades locais do Estado -coma Badalona- ou de Galicia -como Santiago de Compostela- vén de acollerse á presente convocatoria de 2026 para liquidar débedas plurianuais por valor de 3,7 millóns e euros que mantén desde hai varios exercicios, por diversas dificultades de tramitación de resultas do esforzo inversor da entidade local na modernización da vila.

O Concello de Verín remitiu xa ao Ministerio de Facenda a relación certificada de obrigas pendentes de pago incluídas no novo mecanismo estatal para a cancelación de débedas con provedores, unha ferramenta extraordinaria habilitada polo Goberno de España para facilitar e acelerar o pagamento a empresas e profesionais que prestaron servizos ás entidades locais.

No caso de Verín, o importe máximo financiable ascende a 3.762.287 euros, unha cantidade que permitirá atender obrigas pendentes con máis de 250 provedores e avanzar de maneira decisiva na redución da débeda sistémica de tramitación acumulada ao longo dos últimos exercicios. A documentación requirida foi remitida dentro dos prazos establecidos polo Ministerio de Facenda.

Desde o Concello valoran positivamente a posta en marcha deste procedemento, xa que permite dispoñer dunha vía extraordinaria de financiamento que facilita a liquidación de débedas e acurta significativamente os tempos necesarios para proceder ao seu pagamento.

O mecanismo estatal ten como finalidade garantir que os provedores poidan cobrar as cantidades pendentes mediante un procedemento específico impulsado polo Ministerio de Facenda, que habilita ás entidades locais ferramentas financeiras e legais para afrontar estes pagamentos en condicións que, en circunstancias ordinarias, resultarían moito máis complexas.

Procedemento normalizado
O alcalde de Verín, Gerardo Seoane, destacou que «trátase dun procedemento totalmente normalizado, e ao que acoden conellos grandes e pequenos», no que, sinalou, «o realmente importante deste procedemento é que permitirá que máis de 250 provedores poidan cobrar cantidades pendentes, avanzando cara á práctica eliminación da débeda sistémica de tramitación do Concello.»

Así mesmo, sinalou que «o Concello considera positiva esta medida porque facilita a regularización da situación económica municipal e ofrece unha solución eficaz para acelerar pagamentos que doutro xeito requirirían prazos moito máis longos». Ademais, engadiu Seoane, a súa liquidación e saneamento permitirá continuar coa profunda modernización das infraestructuras da vila de Verin.

Unha vez completadas as diferentes fases previstas polo Ministerio de Facenda e formalizados os trámites correspondentes, procederase á materialización dos pagamentos conforme ao calendario establecido polo propio procedemento estatal.