O Concello de Verín abre novos procesos de contratación para o verán 2026
20/05/2026
ADEGA inaugura en Verín a mostra «50 anos coidando a terra», unha xanela á memoria colectiva do país
22/05/2026
A actividade celebrarase o vindeiro 27 de maio na Casa da Xuventude e abordará os principais riscos dixitais no ámbito profesional e persoal
O Concello de Verín colabora na organización do obradoiro presencial “Ciberseguridade para pemes e autónom@s: o poder das persoas”, unha iniciativa orientada a mellorar a protección dixital de pequenas empresas, persoas autónomas e cidadanía interesada en reforzar a súa seguridade no entorno tecnolóxico actual.
A actividade desenvolverase o vindeiro 27 de maio, entre as 11:00 e as 13:00 horas, na Casa da Xuventude de Verín, situada na Avenida de Portugal.
O obradoiro permitirá coñecer como actúan os ciberdelincuentes e como protexerse das ameazas dixitais
Durante a sesión abordaranse cuestións como a protección de credenciais e dispositivos móbiles, a detección de correos fraudulentos ou o coñecemento das principais ameazas en liña ás que se enfrontan actualmente empresas e persoas usuarias.
As persoas interesadas poden solicitar xa a súa praza a través da rede CeMIT da Xunta de Galicia. https://cemit.xunta.gal/es/centros/verin
O Concello de Verín continúa así colaborando en iniciativas formativas e divulgativas que favorecen a capacitación dixital da veciñanza e o fortalecemento do tecido económico local.
