O Concello de Verín súmase a un minuto de silencio en lembranza das vítimas do accidente ferroviario de Adamuz

O Concello de Verín gardou esta mañá un minuto de silencio en sinal de dó e solidariedade, sumándose á convocatoria promovida pola FEGAMP como mostra de apoio, respecto e lembranza ás vítimas do accidente ferroviario ocorrido en Adamuz, así como ás súas familias.

O acto tivo lugar diante da Casa do Concello e contou coa participación de membros da corporación municipal e do persoal municipal, nun xesto colectivo de solidariedade e acompañamento ás persoas afectadas por este tráxico suceso.

Desde o Concello de Verín quíxose expresar publicamente a súa máis sincera condolencia ás familias e persoas achegadas ás vítimas, reiterando o compromiso institucional coa memoria, o respecto e a solidariedade en momentos de especial dor.