O FIC Vía XIV e o Cineclube Ordet anuncian unha nova colaboración para ofrecer en Verín sesións de cinema independiente ao longo de todo o ano

O Festival Internacional de Curtas Vía XIV, no seu décimo aniversario, aposta por espallar a súa actividade ao longo do ano co fin de facilitar á veciñanza dun acceso gratuito ao cinema independiente máis alá da semanado festival. Faino, ademais, da man do cineclube Ordet para continuar tecendo redes en Verín e esparexar assúas actividades por distintos enclaves da localidade. A primeira proxección será o vindeiro 20 de marzo, ás 20.30h n Salón de Actos da Casa da Cultura, onde se poderá ver o filme Los proscritos (Victor Sjöström, 1918). As vindeiras sesións serán anunciadas dende as redes sociais e web do FIC Vía XIV.

«Dende o FIC Vía XIV apostamos por unha programación expandida para que a veciñanza poida acceder acinema independente ao longo de todo o ano. Ademais, o formato dinámico no que están concibidas estas sesións de visionado funciona como unha sorte de escola audiovisual na que o público poderá aprender as claves das obras de cada autor», explica Carlos Montero, director do festival. O antigo cineclube Nosferatu que, nun afán por revitalizarse, pasarase a chamar Ordet, será quen dinamice as sesións a través de debatesabertos e lecturas conxuntas de críticas de cinema.

Con esta iniciativa, o FIC Vía XIV pretende ensanchar as súas áreas de influencia e chegar a outros recunchosde Verín. “Somos unha vila na que o cinema sempre tivo un gran peso histórico. En Verín chegou a haber varios cinemas e cineclubes. Por iso, dende o festival traballamos para non perder as nosas raíces e continuar sendo un referente no audiovisual na nosa área de influencia”, asegura Carlos Montero.

Ademais, dende o festival anuncian que esta colaboración culminará nunha actividade especial durante asemana do festival, que se celebrará do 28 de agosto ao 6 de setembro. Dende a organización adiantan que durante este décimo aniversario do FIC Vía XIV haberá actividades musicais, cinema, gastronomía, artes plásticas e programación para a cativada da vila.