O comercio de Verín sae á rúa coa Feira de Stock no Parque da Alameda
21/08/2026
Verín dá un novo paso na transformación do casco vello coa adquisición dos terreos do entorno da Igrexa Santa María a Maior
27/08/2026O Pleno tomou hoxe coñecemento da renuncia da totalidade dos representantes do PP na Corporación municipal e iniciou os trámites para a súa substitución.
Verín, 25 de agosto de 2026. O Concello de Verín celebrou esta mañá dous plenos extraordinarios e urxentes para tomar coñecemento formal da renuncia aos seus cargos dos catro concelleiros que integraban o grupo municipal do Partido Popular, o que supón a renovación da totalidade da representación deste grupo político na Corporación municipal.
Na primeira sesión, celebrada ás 09:30 horas, o Pleno tomou coñecemento das renuncias de Lara Da Silva Rodríguez, concelleira e portavoz do grupo municipal do PP; Aitor Álvarez Prado; e Sonia Arias Pereira. Posteriormente, ás 09:45 horas, celebrouse unha segunda sesión extraordinaria e urxente para tomar coñecemento da renuncia de Beatriz Blanco Adegas.
Con estas catro renuncias, a totalidade dos concelleiros electos que conformaban ata o momento o grupo municipal do Partido Popular deixa a Corporación, iniciándose agora o procedemento establecido legalmente para cubrir as catro vacantes.
Segundo os acordos tramitados, o Concello remitirá as correspondentes certificacións á Xunta Electoral de Zona para solicitar a expedición das credenciais das seguintes persoas da candidatura presentada polo Partido Popular nas últimas eleccións municipais.
A celebración das dúas sesións extraordinarias e urxentes responde á necesidade de axilizar a tramitación administrativa e electoral derivada das renuncias, permitindo avanzar no proceso de substitución e recuperar canto antes a composición completa da Corporación municipal.
