O FIC Vía XIV aposta pola creación audiovisual en novos formatos: nesta edición gravarase un podcast e unha curta en vivo
06/08/2024
Ábrese o Período de Cobranza Voluntaria das taxas dos servizos Auga, rede de sumidoiros e Saneamento en Verín
08/08/2024
Verín, 7 de agosto de 2024. O Salón de Plenos do Concello de Verín acolleu esta mañá unha sesión extraordinaria urxente na que se abordaron os seguintes puntos:
- Aprobación da acta da sesión anterior
- Expediente 553/2024. PECHE E LIQUIDACIÓN DO ORZAMENTO. CONTA XERAL 2022
- Expediente 3576/2024. DAR CONTA DA APROBACIÓN POR DECRETO DA ALCALDIA DA
LIQUIDACIÓN DO ORZAMENTO XERAL DO ANO 2023
- Expediente 3596/2024. OPERACIÓN DE TESORERÍA A CURTO PRAZO 1/2024
- Expediente 3622/2024. APROBACIÓN MODIFICACIÓN DE CRÉDITO 10/2024 CRÉDITOS
EXTRAORDINARIOS E SUPLEMENTO DE CRÉDITOS
Tras aprobar, con 12 votos a favor (7 PSdeG-PSOE e 5 BNG) e 4 votos en contra do Partido Popular, a ratificación da urxencia da convocatoria, o presidente do pleno, Gerardo Seoane, someteu a votación a aprobación da acta da anterior sesión, quedando aprobada por unanimidade.
Por outra banda, ratificouse con 12 votos a favor (7 PSdeG-PSOE e 5 BNG) e 4 votos en contra do Partido Popular, iniciar a tramitación administrativa da Conta Xeral do ano 2022; e deuse conta da aprobación por decreto da alcaldía da liquidación do orzamento xeral do ano 2023.
Aprobouse tamén, con 12 votos a favor (7 PSdeG-PSOE e 5 BNG) e 4 votos en contra do Partido Popular, o prego de cláusulas administrativas e prescricións técnicas para a contratación dunha operación de crédito a curto prazo por importe de 2.600.000,00 euros. Así mesmo, ordenouse a remisión de invitacións á participación no procedemento de adxudicación a todas as entidades financeiras con sucursal aberta no termo municipal de Verín.
Por último, a sesión plenaria aprobou, con 12 votos a favor (7 PSdeG-PSOE e 5 BNG) e 4 votos en contra do Partido Popular, o expediente de modificación de créditos extraordinarios 10/2024. Este axuste orzamentario (que está financiado con cargo ao Remanente de Tesourería resultante da liquidación do exercicio 2023, así como novos ingresos que se integran no estado de ingresos do orzamento 2024) estará destinado, entre outros asuntos, á adquisición de terreos para patrimonio municipal, pavimentacións e reparación de vías públicas, e publicidade e actividades culturais.
