O FIC Vía XIV de Verín atraeu este ano de xeito presencial a 2.500 persoas ao abeiro das súas proxeccións oficiais e actividades paralelas
21/09/2023
“Ser ou estar”: O Concello de Verín presenta o seu cartel oficial do Entroido, creado por Olalla Diéguez Boo
16/01/2024
O Centro de Información á Muller, en colaboración cos 7 concellos da Mancomunidade de Verín, presenta unha nova actividade enmarcada no proxecto «Teatro rural pola corresponsabilidade». Esta iniciativa ten como obxectivo promover a igualdade e fomentar a participación paterna na educación en valores dos nenos e nenas da rexión a través do teatro. A función de «A Misión Secreta de Gala» , que será de balde, terá lugar o sábado, 7 de outubro, ás 18:00 horas no Auditorio Municipal.
A obra seleccionada para esta ocasión é «A Misión Secreta de Gala», unha emocionante historia que leva ao público a un mundo de aventuras e soños. Gala, a protagonista, quere seguir os pasos do seu pai, o prestixioso Dr. Marabillas, no campo da ciencia, pero ten unha prohibición: a entrada ao laboratorio. O Dr. Marabillas, responsable de enviar as estrelas ao ceo todas as noites para que os nenos e nenas poidan soñar, esqueceuse de enviar estrelas á súa filla, privándoa dos seus propios soños. Decidida a cambiar a súa sorte, Gala emprende unha misión secreta para acceder ao laboratorio sen ser vista. A pregunta que todos se fan é se Gala conseguirá estrelas para soñar ou se meterá nunha boa lea.
Esta entretida representación familiar promete momentos de diversión e emoción para todas as idades. Unha oportunidade única para reflexionar sobre a igualdade e a importancia da corresponsabilidade na educación.
