Verín abre o prazo de inscrición para o Espazo Ludoverán e o Campamento Urbano Junior 2026

Concello de Verín, a través da Oficina Municipal de Información Xuvenil (OMIX), dependente da área de Benestar Social, abre maña 28 de maio o prazo de inscrición para unha nova edición do Espazo Ludoverán e do Campamento Urbano Junior 2026, dous programas estivais destinados a facilitar a conciliación familiar e laboral durante o período vacacional.

As actividades desenvolveranse entre o 22 de xuño e o 7 de setembro, de luns a venres, nas instalacións do CEIP Módulos Amaro Refojo —onde se realizarán as entradas e recollidas— e no CEIP Princesa de España.

O programa Espazo Ludoverán está dirixido a nenos e nenas de entre 3 e 10 anos, mentres que o Campamento Urbano Junior estará destinado á mocidade de entre 11 e 15 anos. Ambas iniciativas teñen como principal obxectivo ofrecer unha alternativa educativa, lúdica e segura para o tempo de lecer estival, ao tempo que se apoia ás familias verinenses na conciliación das súas responsabilidades laborais e persoais.

Durante os meses de verán, os participantes poderán desfrutar dun amplo programa de actividades adaptadas ás diferentes idades, entre as que se inclúen xogos alternativos, talleres creativos, actividades deportivas, propostas acuáticas, informática, rutas de sendeirismo, excursións, cine, veladas, bailes, bicicletadas ou actividades relacionadas coa educación ambiental e a convivencia.

Desde o goberno municipal destacan que estas iniciativas “permiten ofrecer ás familias un servizo esencial durante o verán, apostando ademais por un modelo de ocio educativo, saudable e integrador para a infancia e a mocidade”. Así mesmo, subliñan que o programa tamén contribúe á dinamización do emprego xuvenil mediante a contratación de persoal cualificado para o desenvolvemento das actividades.

Os programas contarán con diferentes modalidades horarias —de 8:00 a 14:30 horas e de 9:00 a 14:30 horas— así como tarifas adaptadas para persoas empadroadas e non empadroadas, con opcións de contratación por semanas, quincenas, meses ou servizo completo.

As inscricións deberán formalizarse presencialmente na Oficina Municipal de Información Xuvenil, situada na Casa da Xuventude (Avenida de Portugal, 11 – 1ª planta, porta 15). Para máis información, as persoas interesadas poden contactar no teléfono 988 414 776.

PREZOS E HORARIOS:

HORARIO DE 9:00 A 14:30 HORAS

HORARIO DE 8:00 A 14:30 HORAS