Un centenar de nenos e nenas participan en Verín nunha xornada para fomentar o consumo responsable a través do xogo
08/07/2026
Verín converterase novamente nun punto de encontro para a cultura urbana coa celebración dunha nova edición de Extruga na rúa, que os vindeiros 17 e 18 de xullo ofrecerá unha programación gratuíta pensada para todos os públicos e que combinará música en directo, deporte urbano, arte, lecer e actividades participativas.
O Concello de Verín colabora un ano máis con esta iniciativa como alto patrocinador, reafirmando o seu compromiso co apoio a propostas culturais que dinamizan a vida social e económica da vila, fomentan a participación da mocidade e contribúen á proxección de Verín como un destino de referencia para o lecer e a cultura.
A programación arrancará o venres 17 de xullo coa actividade «Camiñando Caratrás – As Labras Perdidas», un scape room urbano que levará aos participantes a percorrer diferentes establecementos colaboradores de Verín para resolver un misterio a través de probas e desafíos.
Xa o sábado 18 de xullo, o festival recuperará unha das actividades máis lembradas pola veciñanza, o Descenso do Río Támega, que volverá celebrarse tras varios anos sen formar parte da programación cultural verinesa. Ao longo da xornada desenvolveranse tamén sesión vermú, obradoiros, a clasificatoria da Liga Xunta de Break, batallas de galos, exhibicións de BMX e scooter, zona de realidade virtual, mercadiño, foodtrucks e unha destacada programación musical encabezada por Morodo ft. Jah Nattoh, xunto a artistas como LG1DO, LIL $AM, Xian Pais, Tapa D’Orella, DJ Chapamama Crew, Handiko B2B Andria e un showcase sorpresa.
Extruga na Rúa consolídase edición tras edición como unha cita de referencia da cultura urbana en Galicia, contribuíndo a enriquecer a programación estival e posicionando a vila do Támega como un destino atractivo para o lecer, a cultura e a mocidade.
Mais información: https://extruga.com
PROGRAMACIÓN
Venres 17 de xullo
Camiñando Caratrás – As Labras Perdidas
Quendas: 19:30 | 21:30 | 23:30
Sábado 18 de xullo
Praia Fluvial
11:30 – 14:30 | Baixada do Río Támega
12:00 – 16:00 | Sesión Vermú
12:00 | Obradoiro de Break Dance
A Preguiza
16:30 – 20:00 | Liga Xunta de Break
16:30 – 20:00 | Batalla de Galos (Horus Rap)
17:00 – 19:00 | Activación Jalys
17:00 – 20:00 | Xuntanza BMX & Scooter
17:00 – 19:30 | Zona VR
17:30 – 19:30 | Obradoiro Tattoo
20:15 | Showcase sorpresa
20:30 | Final Batalla de Galos
21:00 | Xian Pais
21:45 | LIL $AM
22:45 | LG1DO
23:50 | Tapa D’Orella
00:50 | Morodo ft. Jhan Nattoh
02:10 | DJ Chapamama Crew
03:10 | Handiko B2B Andria
Todo o día | Foodtrucks e Mercadiño no escenario principal
